تَوِّجَوْه (بْرِنْس بِيْشَوْب) الْبَطَلْ

أغْلَى كَاسْ يْعَدّ رَمْزٍ لْلِخِيُوْل

فِيْ سِبَاقْ (دْبَيّ) مَيْدَانْ الْحَفِلْ

وَاثْمَنْ الأشْوَاطْ مَا فِيْهَا مِيُوْل

إنْطَلَقْ (لبْرِنْس) وِالْكِلّ انْذَهَلْ

مِنْ سِرعْتِهْ النَّاسْ شَامَلْهُمْ ذِهُوْل

كَنِّهْ إلاَّ رَاسْ سَهْمِ مِشْتِعِلْ

مِ اْلبِدَايِهْ لَيْن بَلَّغْ بِالْوِصُوْل

وِاْلمِعَلِّقْ قَالْ هذا مِنْ قَبِلْ

كَاسِبْ التَّرْشِيْح مِنْ قَبْل النِّزُوْل

مِلْك سَاسْ الطِّيْب مِضْرَبْ لِلْمِثَلْ

لى فِعَالِهْ دَوْم تَسْبِقْ كِلّ قَوْل

إن حَضَرْ (حَمْدَانْ) تِلْقَى لِهْ فِعِلْ

بِالنَّصِرْ طَارِيْه مَرْبُوْطٍ عَ طُوْل

شَيْخ عِنْدِهْ الصَّعْب أسْهَلْ مِ السِّهِلْ

كِلّ كَايِدْ مَعْ سِمُوّهْ لِهْ حِلُوْل

شَلّ (كَاسْ اْلفَوْز) وِالسِّعْد إكْتِمَلْ

وِاهْتِفَوْا بِالصَّوْت وَافِيْن الْفِعُوْل