شَوْق (الْعِفِيِّةْ)

يا من بتاج الزَّيْن مَنْعُوْت

شَرْواك بين الخُوْد مَا رَيْت

 

فَوْق الْمَحَاسِنْ مِيْزِتِكْ مَوْت

تْشِلّ عَقْلٍ فِيْه بَيَّيْت

 

كَنّه مْرَصَّعْ فِيْك يَاقوت

لو من زهور الحُوْر حِلِّيْت

 

يا بو شفايف تِشْبه التُّوْت

حَقّ الغواني وَيْش بَقَّيْت..؟!

 

جَاوَزْت عن قِدْرَاتْ (هاروت)

وْعَنْ مِعْجِزَةْ (الاهْرَامْ) عَدَّيْت

 

الرِّمْش كَنِّهْ جِنْد (جالوت)

والعين فيها مِتّ وِحْيِيْت

 

خَلَّيْتني مَبْهُوْت مَبْهُوْت

حَسْبي عَلَيْك وْفِيْك عفْرِيْت

 

فَرَّيْت فِكْري فَرّ (رِيْمَوْت)

كَنِّك مْبَرْمَجْ فِيْه تَثْبِيْت

 

أصْدَقْ صديقي عقبك.. الْمَوْت

وَاكْثَرْ كلامي فِيْك يَا لَيْت

 

الشَّوْق يَسْرِيْ بِيْ مِنْ (مْحُوْت)

شَوْق (الْعِفِيِّهْ) طَوْع لِهْ جِيْت