00
إكسبو 2020 دبي اليوم

حَلاوَةْ السِّكَّرْ

ت + ت - الحجم الطبيعي

سِكَّرْ حِلُوْ وِالْحِلْو في الطَّعْم سِكَّرْ

وانا طَعَمْت الْمُرّ سِكَّرْ حَلاته

فيْ نَاسْ من خَمْر الْعَنَاقِيْد تِسْكَرْ

وراعي الهوى سَكْرَانْ دِبَّةْ حيَاتِهْ

يِمْرَحْ وْيِتْرَعْرَعْ وْينْمُوْ وْيِكْبَرْ

نَشْوَانْ في غَيِّهْ وْكامِلْ ثبَاتِهْ

هَيْمَانْ مَا بَدَّلْ حياتهْ وْغَيَّرْ

خَرْمَانْ مِدْمِنْ حِبّ روحه غَنَاتِهْ

دِنْيَاهْ وِدّ وْباختياره تخَيَّرْ

مَوْدُوْد ما حَد ٍ بعَيْنِهْ شَرَاتِهْ

ساكِنْ خفوق الصَّدْر بِالضِّلْع الايْسَرْ

احْتَلّ عَرْشِهْ واسْتَغَلِّهْ بذَاتِهْ

مليك روح النَّفْس.. الله أكْبَرْ

الله أكْبَرْ.. أوْه ما اكْثَرْ غَلاَتِهْ

طباعة Email