إِحْلَمْ... وْخَلّ الْحِلْم يَمْنِيْك

دَامِكْ هِبِيْل الرَّايْ بِعْنَاكْ

وِاتْبَعْ شِوِيْر النَّفْس تَغْوِيْك

لاَل ٍ تِشُوْفه... مَدّ يِهْنَاكْ

إِشْرَبْ وْ غِبّ الْمَايْ يَرْوِيْك

شِرْب الْخيَالْ.. بْطُوْل يَمْنَاكْ

إِمْشِيْ بِدَرْب الْجَاهْ وِشْ فِيْك

دَامِكْ تِشُوْف النَّجم بَادْنَاكْ

إِغْمِضْ عَلَى عَيْنِكْ بِتَرْوِيْك

عِقْب الْغِفَا بَتْشُوْف مِكْنَاكْ

دِنْيَاً تَلاَهَتْ بِكْ وْتَعْطِيْك

يَا غِرّ يَا مَغْرُوْر بِمْنَاكْ

كَمْ وَاحِدٍ قَبْلِكْ مَعَالِيْك

تَحْت الثَّرَى مِتْوَسِّد هْنَاكْ

فِيْق.. انْتِبِهْ.. وِالْعِلْم مِلْفِيْك

سِرْ بِالتِّقَفْ ثُمْ حَاسِبْ خْطَاكْ

إِحْلَمْ... وْخَلْ الْحِلْم يَمْنِيْك

دَامِكْ تِشُوْف الْخَلْق أدْنَاكْ..!