يَا وَالِدِيْ: نِلْت مَوْتِكْ مِثِلْ مَا نَالِكْ..!!
أسْتَمْطِرْ الدَّمْع... لكِنْ مَدْمِعِيْ عَيَّا..!!
كِلْ شَيّ مِنِّيْ انْقِبَرْ فِيْ الْقَبِرْ عِدَّالِكْ
حَتَّى الصَّبِرْ ما قِدَرْ يَصْمِدْ وْ لاَ تْهَيَّا
بَيْنِيْ وَبَيْنِكْ مِتِرْ مَبْ قَادِرْ آطَالِكْ..!!
كَنِّيْ بِلَيَّا وِطَنْ عِقْبِكْ وْلاَ مْلَيَّا..!!
خَذْت الْعِزَا فِيْك مِتْمَاسِكْ وْمِتْمَالِكْ
نَبْض ٍ تِشَرَّبْك سَمْت وْعَطْف وِحْمَيَّا
مِنْ بَعْد فَقْدِكْ أشِمّ اللِّطْف فِيْ شَالِكْ
كِلِّيْ وَلَهْ لِكْ وَارِدّ بْشَالِكْ أتْفَيَّا..!!
شَالِكْ مَعْ الْوَقْت قَامْ يْنَافِسْ عْيَالِكْ..!!
لَلْحِيْن لاَزَالْ يِحْفَظْ طِيْبِتِكْ رَيَّا
مِنْ يَوْم مَا صَارْ جَوْف الأرْض مِنْزَالِكْ
أرْض ٍ تِضِمِّكْ بِعَيْنِيْ صَارَتْ ثْرَيَّا
يَا وَالِدِيْ: مِنْ نَهَار ٍ فِيْه تِرْحَالِكْ
وَانَا مْكَذِّبْ عِيُونِيْ وْوَاقِفْ أتْرَيَّا..!!