القول الْمَوْروث

إِجْمَعْ عَلَى طَرْحِكْ وْثَنِّيْ

خَلِّيْ علوم الأمْس تَنْبِيْك

وِاذْهَنْ لأمْرٍ هُوْب مِنِّيْ

قَوْل ٍ مْوَرَّثْ خِذْه يَعْنِيْك

الشَّيّ مَا يُوْخَذْ تِمَنِّيْ

وْمَا كِلّ مَطْلُوْب ٍ بِيَاتِيْك

خَلّ التِّقَى جَدِّكْ وْعَنِّيْ

وَايْقِنْ بأنّ الْيِسر مِتْلِيْك

وْلَى صَكَّتْ الْحَلْقه تِعِنِّيْ

إِجْلِدْ عَلَى نَفْسِكْ وْمَا فِيْك

نُوْل الثَّنَا هُبْ لِلتَّغَنِّيْ

من رَادْ حَسْنَى عَفّ عَنْ ذِيْك