يَا أهَمّ أشْيَاءْ فِيْ قَلْبِيْ وْذَاتِيْ
عُوْد لِيْ لَوْ تِسْمَحْ ظْرُوْفِكْ عَشَانِيْ
جِيْت لِكْ مِشْتَاقْ وَالَمْلِمْ شِتَاتِيْ
يَا عِسَاكْ تْحِسّ بِيْ.. أبْغِيْ حَنَانِيْ
رَاحَتْ أيَّامِكْ وْرَاحَتْ مِنْ حَيَاتِيْ
وِشْ يِفِيْد الْعِمِرْ دَامِكْ مَا تِبَانِيْ
إِنْت يَا سَاكِنْ ضِمِيْرِي وِامْنِيَاتِيْ
لاَ تْخَلِّيْ الدَّمْع يَهْدِمْ لِيْ كَيَانِيْ
دُوْنِكْ الأيَّامْ تِتْمَنَّى وِفَاتِيْ..!!
وْبَعْدِكْ الْحِسَّادْ حَامَوْا فِيْ مِكَانِيْ
لِكْ أعِدّ الْوَقْت وَاتْلَبَّسْ عِبَاتِيْ
وَاحْشِمِكْ فِيْ غَيْبِتِكْ وَاحْشِمْ زِمَانِيْ
كِلّ فَرْض ٍ مِنْ صَلاتِيْ يَا غَنَاتِيْ
أدْعُوْ الْمَعْبُوْد يِرْجَعْ لِيْ أمَانِيْ
(وَادِرِيْنِكْ) بِالْمَحَبِّهْ لِكْ تِحَاتِيْ
تَرْسِمِكْ وِالْحِبّ لِهْ قَدْرٍ وْشَانِيْ
لَوْ يِطُوْل الْوَقْت لاَ تِنْسَى وِصَاتِيْ
ولا تغَيِّرْ عَنْ سِمَا الآهَاتْ هَانِيْ