هذا الوطَنْ ما فِيْه بِقْعَه صغيره
كِل الأماكن فِيْه تِكْبَرْ وْتِزْدَادْ
هذا غَلا (زايد) سكَنْ في ضميره
حَتَّى توَسَّعْ في وطَنْ كِلّهْ أمجاد
الْحِرّ يوم انّ اللَّيالي عسيره
سَنَّدْ عَلَى اللَّى له مَعَ العِزّ مِيْعَاد
في عهد (أبو سلطان) وِالْخَيْر خَيْره
تَنْبِتْ فيافي الأرْض والنَّاس حِصَّادْ
عِزّي لمن ضاقَتْ عليه الجزيره
ومخباه خالي دون (بُوْ طَيْر) وِبْلاد
شَلْفه تعِقّه ثُمّ شَلْفه تجِيْره
وْحِسَّادْ ترمي به على ناس حِسَّادْ
وِحْنَا بفَضْل الرَّبّ ما به قصيره
وقْلوبنا بَيْضَا وْلا نَمْلِكْ أحْقَادْ
هذا الوطَن أَصْغَرْ بقاعه كبيره
وْكِلّ الأماكن فِيْه تِكْبَرْ وْتِزْدَادْ