قَالْ (الْفَلاسِيْ) قَوْل مَفْصُوْح

عَرْبٍ بحَرْف الضَّادْ مِفْصَاحْ

خَيْر الْحَكِيْ مَا قَلّ فِيْ الْبَوْح

وْكِثْر الْهَرِجْ مَا فَادْ نَصَّاحْ

إنْ جَاكْ مُوْشِيْ قَصْدِهْ شْلُوْح

حَذْرَاكْ لاَ تبْقِيْ لِهْ مْرَاحْ

وِاعْرِفْ صِدِيْق الْوِدّ مَنْصُوْح

بَيْبَانْ لِكْ فِيْ وَقْتْ لِشْحَاحْ

نَزِّهْ وْجَنِّبْ كِلّ مَنْدُوْح

لى مِنْ لِفَاكْ الْخَيْر مَدَّاحْ

وِانْيَا وْتَرِّكْ كِلّ مَطْرُوْح

لا شَكّ مَا يَدْهِيْك بِطْرَاحْ

لا تِصْحَبْ الدَّانِيْن بِسْرُوْح

عَنْ لا يِقَالْ فْلاَنْ قِدْ رَاحْ

عِزْهَا وْتعَزَّزْ فَوْق بِالشَّوْح

وِانْيَا بنَفْس الْحِرّ لَى شَاحْ