يَا رَبَّةْ الحِسْن مَا شِفْتِيْ زعيم الرِّجَالْ

قَالَتْ: لِمَحْتِهْ وْنَبْضَاتْ القلوب الْمَحَتْ

 حَمْدَانْ حَمْدَانْ يَا بَدْر ٍ بِدَا مِنْ خَيَالْ

مَرَّتْ بِهْ الشَّمْس وَاخْجَلْهَا الضِّيَا وِاسْتَحَتْ

 إذا رمَى عن يمينه ضَاقْ صَدْر الشِّمَالْ

وِتْغَارْ يُسْرَاهْ مِنْ يمْنَاهْ يَوْم امْنَحَتْ

 وِتْغَار مِنْه الْعِزُوْم وْجَاريَاتْ اللِّيَالْ

لانَّه رِمَى الثَّانيه بِالأوَّلِهْ وِالْقَحَتْ

 مِكَارِمه لا تزال وْحَاسِدِهْ لا يِزَالْ

مَكْسُوْر مَكْسُوْر وِكْفُوْف الْكِرَامْ ارْجَحَتْ

 إنْ مَدّ كَفِّهْ جِزَالْ.. وْمَدّ فِكْرِهْ جِزَالْ

كِلّ الْمَعَانِيْ عَلَى رُوْس الْفِنُوْن اصْدَحَتْ

 شِوَارِدْ الْفِكْر تَاخِذْ مِنْ مجَاله مجَالْ

تَمْحِيْ وِتِكْتِبْ.. وْتِرْجَعْ تَكْتِبْ اللَّى مَحَتْ

الله يِحَفْظه مِنْ عْيُوْنٍ سَهَمْهَا حَلاَلْ

وْمِنْ عَيْن شَافَتْ وْلاَ سَمَّتْ وْلاَ سَبَّحَتْ