فِتْنَةْ الْحَرْب

يا فِتْنِتِةٍ غَطَّتْ عَلَى فِتْنَةْ الْحَرْب

وِالنَّاسْ في بَحْر الْفِتَنْ مَا لِقَتْ (نوح)..!

لِكْ بسْمَة ٍ مَرَّتْ عَلَى خالي القَلْب

وامسى سليب الرُّوْح مُوْلَعْ وْمَجْروح

إنتي سحابة حِبّ هَتَّانها عَذْب

يروي ظما الْعَاشِقْ مِنْ الْبِعْد مَطْرُوْح

وانتي ملاذ الْقَلْب يا منهل الحِبّ

يا سَلْوَةْ الْخَاطِرْ مِنْ هْمُوْم وِجْرُوْح

وانتي سِحِرْ زَيْنِكْ بالاحساس يِلْعَبْ

زَيْنِكْ يِزِيْن الْكَوْن فَاتِنْ وْمَمْلُوْح

وانتي هَدَبْ عَيْنِيْك يَسْلِبْ وْيِنْهَبْ

جارح وهذا الدَّمّ مِ الْقَلْب مَسْفُوْح

وانتي مِنْ اسْبَابِكْ غِدَا خافقي نَهْب

يِتْبَعْ سِرُوح الرُّوْح وِيْنَاجِيْ سْرُوْح

روفي ما دام الشَّوْق في مهجتي شَبّ

وِالَّليل بِجْناحه سِتَرْ كِلّ مَفْضُوْح

لا تَتْرِكِيْنِيْ طِفْل تَايِهْ عَلَى الدَّرْب

تَعْصِفْ بِهْ الأيَّامْ وِيْنَازِعْ الرُّوْح