نِعْمَيْن يَا مْمَطِّيْ (اليمامه)

يَا الْحَاكِمْ الْفَارِسْ الضِّرْغَامْ

بَوْنِهْ مْعَوَّدْ عَ الزَّعَامه

مَا قِدْ وِصَلْ يَا غَيْر قِدَّامْ

صَنَعْت لِلتَّارِيْخ هَامه

وْنِشَرْتَهَا فِيْ رُوْس الاعْلام

مَهُبْ فَقَطْ سَبْق (اليمامه)

شُوْف الدِّوَايِرْ هِيْ وِالاقْسَامْ

الْكِلّ يَمْشِيْ فِيْ نِظَامه

عَلَى التِّطَوِّر سَيْر بِاحْكَامْ

مِنْ فِعْل لَى عَالِيْ مِقَامه

عساه لا يهزع وْ لا يْضَامْ

شَامِخْ وْمَاضي في نظامه

سلالة الْحِكَّامْ اْلِعْظَامْ

وْمَبْرُوْك فَوْزِكْ وِاحْتَرَامه

يا سَيِّدِيْ يَا نَسْل الاكْرَامْ

تروم لى مَا حَدّ رامه

وِمْعَانِقْ الْعَلْيَا مِنْ أعْوَامْ

عِنْد الثِّرَيَّا لِكْ عَلامه

هناك لك يَا سَيِّدِيْ وْسَامْ

إنْتِهْ خَلَقْك الله كَرَامه

عِطِيَّةْ الله حَقّ الاسْلام

عِسَاكْ فِيْ خَيْر وْسلامه

دِبّ الدَّهَرْ فِيْ عِزّ وَانْعَامْ