سِبْحَانِكْ اللَّهُمّ

سِبْحَانِكْ اللَّهُمّ حَمْدِكْ

حَمْد ٍ يِوَافِيْ كِلّ نِعْمَاكْ

سَبَّحْ بِحَمْدِكْ كِلّ خَلْقِكْ

حَتَّى الْحَجَرْ وِالطَّيْر بِثْنَاكْ

فَرْدٍ أحَدْ لاَ شَيّ قَبْلِكْ

دَايِمْ صَمَدْ لاَ شَكّ مِنْ ذَاكْ

قَدُّوْس فِيْ عَلْيَاكْ مِدْرِك

حَتَّى دِبِيْب الذَّرّ مَا اخْفَاكْْ

أمَّةْ نِبِيْك... يَا رَبّ لاجْلِكْ

تْعُوْذ بِكْ يا الله مِنْجَاكْ

يَا مِنْزِلْ الْقِرْآنْ بَامْرِك

لِطْفِكْ وْعَفْوِكْ يَسْبِقْ قْضَاكْْ

نِعُوْذ بِكْ مِنْ شَرّ مِهْلِكْ

فِتْنِهْ شَرَتْ فِيْ النَّاسْ عَوْذَاكْ

نِبْرَى إليك مِنْ كِلّ مِشْرِكْ

عَاثْ وْسَعى فِيْ الدَّارْ بِهْلاَكْ

وِمِن كِلّ مِرْجِفْ مَا يِغَتْرِكْ

قَامْ وْطَرَقْ فِيْ الدِّيْن مِسْلاَكْ

حَلَّلْ حَرَامْ وْقَالْ بَاسْمِكْ

نِزِّهْت عَنْ مِغْرِضْ وْأفَّاكّ

يَا الله تَهْدِيْ الْكِلّ بَامْرِكْ

وْتَنْفِيْ الْخِبَثْ وِالشَّرّ بِهْدَاكْ

سِبْحَانِكْ اللَّهُمّ حَمْدِكْ

مَا خَابْ مَنْ بِالْحَقْ يِجْدَاكْ