إِعْذِرْ وْخَلّ الْعِذِرْ وافي

كَمِّلْ جِمِيْلِكْ خَلِّكْ هْنَاكْ

مَا احِيْدِنِيْ قِدْ بِحْت خافي

أبْداً وْلا بِيْ شَكّ فِيْ ذَاكْ

تَخْطِيْ وَاقول الرَّبّ عَافِيْ

وِتْقُوْل هذا مِنْ سِوَايَاكْ

مَا احِيْدِنِيْ قِدْ دِسْت حافي

دَرْب الْوَعَرْ وِانْ كان بَاشْوَاكْ

لي مِ الْبِصَرْ إن كِنْت غافي

وْقَلْب ٍ يخاف الله مَوْلاك

رِبِّيْت مِنْ صِغْرِيْ سِنَافِيْ

مَا اتِّقِيْ عَن حَدّ مِثْلاكْ

مَا فِيْ يِمِيْنِيْ لَوْ لِحَافِيْ

أسْتِرْ بِهْ الأخْدَانْ شَرْوَاكْ

أنا أنا.... وِالا انْت مَا فِيْ

مَا تِنْحِسِبْ فِيْ عَدّ اْلاِدْرَاكْ

الْجَدّ (مِصْعَبْ) وَاصِلْ وَافِيْ

مِنْ (يَاسْ) مَنْبَتْيِهْ مَهُبْ (رَاكْ)

إعْذِرْ وْخَلّ اْلعِذِرْ وَافِيْ

كَمِّلْ جِمِيْلِكْ خَلِّكْ هْنَاكْ