صِغْر نَفْس وْكُبْر قَدْر وْشَقّ ثَوْب

صِدْق حَظِّيْ صِدْق بِقْدُوْمِكْ ضَرَبْ

أوْقِدْ شْمُوْعِيْ قَبِلْ وَقْت الْغِرُوْب..!!

خِصّ لَى حَانْ اللِّقَا وِالاَّ اقْتَرَبْ

أسْبِقْ السِّكَّرْ مِنْ اللَّهْفِهْ وَاذُوْب

وِيْخَطِفْنِيْ الْمِلْح مِنْ كَفّ الْهَرَبْ

مِنْ يِمِدّ الْحِبّ لِكْ صَوْبِيْ دِرُوْب

تَرْفِلْ دْرُوْبِكْ مِنْ احْسَاسِيْ طَرَبْ

كَنِّكْ إِلاَّ (سْهَيْل) وِفْوَادِيْ جِنُوْب

مِحْتِوِنِّكْ دَوْم مِنْ زِدّ الْعَرَبْ

لَوْ تِلاَمِسْنِيْ مِنْ أنْفَاسِكْ هِبُوْب

كِلّ قَفْر ٍ مِنْ شَهَالِيْلِيْ شَرَبْ

طِفِلْ عَيْنِيْ دُوْنِكْ أهْدَابِيْ حِجُوْب

يِنْعِدِمْ شَوْفِيْ إذَا ضَيِّكْ غَرَبْ

مَا يِعَرْف الشَّوْق تَلاَّفْ الْقِلُوْب

غَيْر مَنْ فَارَقْ مِحِبِّهْ وِاغْتَرَبْ