عِيْد - حَتَّى لَوْ سِمَعْتِكْ - رِدّ.. ضِيْف..!َ!
الْجُوَارِحْ كِلِّهَا بْحَالْ ارْتِشَافْ
مِنْ لِمَاكْ الْهَمْس هَبْش وْبِنّ كَيْف
طَعْم جَارِيْن الرِّطَبْ بَعْد الْخَرَافْ
بِكْ مْرَبِّعْ خَاطِرِيْ بَرْدٍ وْصَيْف
مِنْ حِكَيَّاتٍ مَرَاشِفْهَا سِلاَفْ
مُرّ فِيْ رِيْضَانْ رُوْحِيْ هَمْس رِيْف
رُوْحِكْ ألْطَفْ مِنْ عِطِرْ لَيْلَةْ زِفَافْ
لكْ ضِلُوْعِيْ بَيْت مِنْ وَقْتٍ شِظِيْف
طَيّ كِتْمَانْ وْشِغَافٍ مِنْ شِغَافْ
مِنْ تَعَارَفْنَا.. شِجَرْ دَوْح وْحِفِيْف
لاَ يِفَرِّقْنَا زِمَانْ وْلاَ اخْتِلاَفْ
فِيْ غِتَلْ مِتْنَعِّمْ بْظِلٍ وِرِيْف
وَيْن أيَمِّمْ مَدّ لِيْ شَهْدِكْ ضِفَافْ
مَا بَلَغْنِيْ هَيْف وَايَّامِيْ خِرِيْف
ولا لَحَقْ عُوْدِي مِنْ سْنِيْنِهْ جِفَافْ