سِوَالِفْ حَنِيْن

رغْم الْحِزِنْ لا مِنْ ذِكَرْتِكْ تِبَسَّمْت

تَطْرِيْ عَلَى بَالِيْ سِوَالِفْ حنيني

أتْذَكِّرِكْ ما دِمْت وَاعِيْ وِاذَا نِمْت

أشُوْف زَوْلِكْ فِيْ مَنَامِيْ يِجِيْنِيْ

حَاوَلْت أهِدِّكْ لِلْمِقَادِيْر.. مَا رِمْت

أسْتَغْفِرْ الله ما ادري اش صار فيني

كَنّ الزِّمَنْ مِنْ يَوْم عَنْ ناظري شِمْت

ما عاد يستاهل (رجا والديني)!

مِنْ كِثْر صَدَّاتِكْ حبيبي.. تَعَلَّمْت

وش لون أداري صُوْرِتِكْ وِسْط عيني

وان زارني طيفك مَعَ الناس سَلَّمْت

كَنّ الوفا لليوم.. بينك وبيني!!

واذا نشَدْني فْلان عَنِّكْ.. تلَعْثَمْت

ما ادري أخاف الدَّمْع يفْضَحْ كنيني

أتْذَكَّرِكْ وَاسْتَلْطِفْ اْلحِزْن وِالصَّمْت

واغَطِّي عْيوني.. براحة يديني

يمْكِنْ إذا خَايَلْت زَوْلِكْ.. تِبَسَّمْتقدَرْت أخَبِّيْ مْن الأوادِمْ حنيني!!