انْعِزَالْ

ألْهَانِيْ الْحِبّ مَعْ باقي طموحاتي

هذي الصَّرَاحه وهذا كِلّ ما فِيْنِيْ

أبات ليلي أنَقِّيْ نَادِرْ أبْيَاتي

وَارْسِلْ قصيدي إلى أغْلى محِبِّيْنِيْ

وانا كذا دايم ٍ في عَيّها العاتي

مَوْجات الاحساس تاتي بي وتَرْمِيْنِيْ

بِيْ مَنْ غَرَامه رِسَخْ فِيْ قَلْبِيْ وْذَاتي

جَرَى بدَمّي، سِطَا بِيْ، فِيْ شَرَايِيْنِيْ

عليه ما ابات كيف العاشِق يْباتي

وِالشَّوْق في داخلي صوبه يسَرِّيْني

وِايْلا أتَى طيفه اللَّى دَايِم ٍ ياتي

وابغي علومه وطيفه ما يصافيني..!

وِيْزيد هَمّي وْضِيْقَاتي وْلَيْعَاتي

وِيْضِيْق بِيْ كِلّ هذا الكون فِيْ عَيْنِيْ

والعفو يا نَاشِد ٍ عن بَعْض حالاتي

أنا كما قِيْل لَى فِيْنِيْ مكَفِّيْنِيْ

أنا عَنْ النَّاسْ فَضَّلْت انْعِزَالاتي

مَا شِفْت لي واحِد ٍ فِيْهُمْ يسَلِّيْنِيْ..!!