يَا شِيْن لا عَكَّرْ مزاجك حبيبك
يَقْلِبْ حياتك كل أبوها نكاده
من بَعْد كان اللى تحِبّه طبيبك!
جا يوم من قلبك يبوق السَّعاده..!!
بِسْهوم صَدّه والتّغَلِّيْ يصيبك
يا قُوّقلبه فِيْه صَبْر وْجَلاَده..!!
يا قاتلي مشكور رَبّي حسيبك
جِبْ مَا تِبَى لو كان عِنْدِكْ زِيَاده
قلبك مِثِلْ مَا ابْعَدْك عَنِّيْ يجيبك
وَتْعود لِىْ عودة كسير الإراده
في وَقْتَهَا تِرْجَعْ وْتَذْكِرْ عطيبك
وِالَّلى عطيته سَهْم قَسَّم فؤاده
لا تْخاف ما بَاذْكِرْ سوى فَوْح طيبك
والفارِعْ اللى طوّقَتْه القلاده
يكفي حبيبي لا تكَدِّرْ صويبك
ذَبْح المشاعر لا يجي فِيْك عاده
ترى حياتي تنتهي في مغيبك
مِثْل الْمَلِكْ وِشْ هُوْ بِلَيَّا بِلاده..؟!