تَاهْيِهْ يا قَافْ قم لا تسْتِرِيْح

وِاقْصِدْ الوافين عَاجِلْ بِالسَّلامْ

مِنْ دِيَارْ (الْعَيْن) وِالْقَوْل الصِّرِيْح

دار (بُوْ سِلْطَانْ) عَالِيْن الْمِقَامْ

(الْفَلاحِيْ) مْدَاوِيْ الْقَلْب الْجِرِيْح

لَى بظِلِّهْ مَا شِكَيْنَا مِ الغمام

صَوْب (دَارْ الْحَيّ) وِالدَّرْب الْمِرِيْح

مَقْصَدْ الْعَالَمْ وْمِبْهِرْ هَالأنَامْ

صَوْب (بِنْ مَكْتُوْم) ذُوْ الرَّايْ الْفِلِيْح

(مْحَمَّدْ الْمَكْتُوْم) وَامْشِيْ بِالنِّظَامْ

سَيِّدِيْ(حَمْدَانْ) لِيْ قَوْل ٍ شِحِيْح

فِيْك يا مَنْ طَوَّرْ إسْلُوْب الْعَلامْ

يِشْتِكِيْ قَاصِرْ و لا يِقْدَرْ يِبِيْح

مِنْ قِصِيْدِهْ أوْ مقاله أوْ كَلامْ

إنْت شَوْفِكْ يَبْرِيْ الشَّخْص الْجِرِيْح

مِنْ تِوَاضِعْكُمْ مَعَ كِلّ الأنَامْ

من عيون النَّاسْ وَالله مَا تِطِيْح

لانِّكْ انْت الْوَافِيْ الذَّرْب الهمَامْ

وِانْتِهْ اللَّى صَانِعْ الشَّيّ الصحيح

جَائِزَةْ (حَمْدَانْ) لِلْمِبْدِعْ وِسَامْ

جَائِزَةْ (حَمْدَانْ) مَغْزَاهَا فِسِيْح

تِجْعَلْ الشَّخْص المميَّزْ فيْ الأمَامْ

أشْكِرِكْ يَا سَيِّدِيْ الشَّهْم النِّصِيْح

إنْت نِعْم الأبّ فِيْ كِلّ الْعَوَامْ

وَانَا (شَمّهْ) بالتميِّز يِيْت أصِيْح

بَاعْلَى صوتي بِالتّحيّه وِاحْتَرَامْ

بِنْت (زَايِدْ) مَا يهاب وْلا يِشِيْح

وَانَا باسْمه سِمْعِتِيْ فَوْق الغمام

يا قوافي الشِّعر لو سَيْلِكْ نِضِيْح

ما توَفِّيْ فِيْ (إبِنْ رَاشِدْ) كَلام

وِالْعِذِرْ يَا سَيِّدِيْ قَوْلِيْ شِحِيْح

وِانْت قَوْلي فِيْك يَشْكِيْ بِالْمَلام

ما وفيت الْقَدِرْ لِكْ خَلِّكْ سِمِيْح

والسموحه وِالْعِذِرْ فِيْ هَالْخِتَامْ