نواميس العاصفة

غَنَّى الْيَرَاعْ وْغَرَّدْ الطَّرْس

وَاشْعَلْ شِعُوْرِيْ فعل (حَمْدَانْ)

أعْطَى لِمِلاَّكْ الْهِجِنْ دَرْس

يِضْرَبْ مِثَلْ فِيْ كِلّ مَيْدَانْ

يَحْصِدْ الْيَوْم وْمَا يْحَسِبْ أمْس

وْعَلَى غَدَاً لِلْفَوْز بِيْبَان

يِطْلَعْ سِمُوّهْ طَلْعَةْ الشَّمْس

يَخْفِيْ الْكِوَاكِبْ كِلّ مَا بَانْ

هِجْنِهْ تِحَبْس أنْفَاسِنَا حَبْس

وْتَعْطِيْ النِّتَايِجْ قَبْل الاِعْلانْ

فِيْ رَكْضَهَا تِوْطَا الثَّرَى لَمْس

وْكَنِّهْ يهِزّ الْقَاعْ بِرْكَانْ

وْلَى مَا يِعَرْف الْبَحْر وِالْغَطْس

لا يْقُوْل أنَا نَوْخَذْ وْربَّانْ

يِرْجَعْ يصِكّ الْخَمْس بِالْخَمْس

بَغَى الْمِشِيْر وْ رَدّ خَسْرَانْ