يا سِراجْ اللَّيلْ لا تحْجِبْ ضِيَاك
ما بقي في عَتْمة دْروبي قمَرْ
لو بغيت أنْسَاكْ قَلْبِيْ مَا نِسَاكْ
مَا نِسَتْ صَحْرَاي زَخَّاتْ المِطَرْ
وِشْ تِبىَ مِنِّيْ وْقَلْبي ما عِطَاكْ
هاك إرْسِمْ صُوْرِتِكْ فِيْنِيْ عِمِرْ
الْعِمِرْ قِدْ جاك وايَّامي فِدَاكْ
بَسّ تصبح لي حياتي وِالْقِدَرْ..!!
اللِّيَالِيْ السُّوْد تِجْلِيْ مِنْ بَهَاكْ
كَنّ شَمْس الأرْض من ذاك الثَّغَرْ..!
كِلّ يَوْم يْزِيْد فِيْ قَلْبِيْ غَلاك
تنْدِبْ الأيَّام هَمِّيْ وِالسَّهَرْ..!
ما تشوفك هالعيون إلاَّ مَلاك..
مَاخِذ ٍ فِكْرِيْ وْبَالِيْ وِالنِّظَرْ
يا حبيب الرُّوْح قِلْ لي وِشْ دَهَاكْ..؟
وِشْ يفيد الماء لو مَات الزَّهَرْ..!
بَسّ يَكْفِيْ مِنْ تغَلِّيْك وْجِفَاكْ
خِذْ سنين العمر مِنِّيْ لِكْ مَهَرْ..!