الجَرْح السَّاعِيْ

شِفْتِكْ وْمَرَّيْت فِيْ حِلْمي

قام طَيْفِكْ خَفَّفْ أوْجَاعي

كِنْت أظِنّ انْ عَهْدنا سِلْمي

ما نْتِفَارَقْ لو عَلَى اضْلاعي

حِكْمنا مَا يحِْتِمِلْ ظِلْمي

غَيْر جَرْحِكْ بيننا ساعي

حِلْمنا طاهِرْ حَسَبْ عِلْمي

ما لِنَزْف قْلوبنا داعي

يوم عِرْقِكْ يحتوي دَمّي

واستوى رَسْمِيَّاً الرَّاعي

من عَرَفْتِكْ شَايِل ٍ هَمِّيْ

ما هِقِيْتِكْ تَلْوِيْ ذْرَاعي..!

دَامْ قِلْت لْطَعْنِتِكْ سَمِّيْ

خَنْجَرِكْ ما غَيَّرْ أطْبَاعي

يوم قوسك بالْحَكِيْ يَرْمي

كِلْمِتِكْ مَا قَصِّرَتْ بَاعي

دامني باشوفك فْـ.. حِلْمِيْ

ما بَانَامْ وْبَانْدِفِنْ وَاعِيْ..!!