ألْتِهِيْ عَنْك فِيْك وْلا شَغَلْني سِوَاكْ
وِانْ ضَحَكْتِكْ بِكَيْتِكْ وِانْ بِكَيْتِكْ ضَحَكْت!
شَتَّتْ الْفِكْر هَجْرِكْ مَا اتِحَمَّلْ جِفَاك
وْتِعْبَت النَّفْس مِنْ زَوْد الْفِرَاقْ وْهَلَكْت
شُوْفِنِيْ كِلّ ما جاب الْهِوَا مِنْ شِذَاكْ
وْكِلّ مَا مَرّ طَيْفِكْ في الخيال ارْتِبَكْت
وْكِلّ مَا طاحَتْ الدَّمْعه تِصِيْح الْهَلاكْ
لا هِيْ اللَّى مسَحْت وْلا هِيْ اللّى مسَكْت
نَادِنِيْ لاجْل اجِيْ لِكْ.. هَاتِنِيْ مِنْ هِنَاكْ
ما اعَرِفْ أيّ دَرْب ٍ في حَيَاتِيْ سَلَكْت
شُوْف جَرْح إشْتِيَاقِيْ دُوْن بَلْسَمْ لِقَاكْ
يَنْزفْ إِذا رِخَيْت وْيَنْزِفْ إذا (سِدَكْت)
وْشُوْفني كَيْف أجِيْب القافيه في هواك
والاَّ فِيْ حَدّ غيرك مَا كِتَبْت وْحِبَكْت
وْشُوْفني كيف أنادِيْ لِكْ وَاطَرِّشْ جِدَاكْ
وانته لو تِحْتِرِكْ هذي الْجِبَالْ احْتَرَكْت..!!
مِدْخِلْ الله دِخِيْلِكْ بَسّ يَكْفِيْ جِفَاكْ
والله انِّيْ هَلَكْت وْوَالله انِّيْ هَلَكْت