شُوْف أمْسِكْ

لا توَزِّيْ نَفْسِكْ أقْصَاهَا

بِاعْتِدَالْ الشَّيّ له حِلِّهْ

إفْتِكِرْ فِيْ رَبّ جَلاَّهَا

مِبْدِع ٍ خَلْقه وْمِقْص ٍ له

رِيْضها وِتْرَيَّضْ هْدَاهَا

شُوْف أمْسِكْ هَلْ بِقَى كِلِّهْ؟

خَلْق رَبِّيْ خَمْس.. بِكْفَاهَا

بْيِمِيْن الْكَفّ تَحْمِلْ لِهْ

لَوْ بغَيْت تْزِيْد قَبْضَاها

هَلْ تظِنّ الْخَمْس رِكْن ٍ له؟

وْعَيْنِكْ اللَّى لِكْ مجَدَّاهَا

هَل تِشُوْف المَدّ فِيْ جِلِّهْ؟

كِلّ مَنْ يِسْعَى بملْفَاهَا

له قِدَرْ وِنْصِيْب ذِيْ مِلِّهْ

واحِد ٍ لا شَكّ مبْدَاهَا

قَبِلْ خَلْق الْخَلْق يا جِلِّهْ

مِنْ صِغِيْر الذَّرّ مدْرَاهَا

مِقْدِرْ الأقْدَاْر مِنْ عِلِّهْ

لا توَزِّيْ نَفْسِك أقْصَاهَا

شُوْف أمْسِكْ هَلْ بِقَى كِلِّهْ؟