يَا (هِنْد) وَجْد الدَّارْ يَا شَيْخَةْ الدَّارْ

مِرِّيْ بوِجْدَانْ الضَّعَافَى وْ شُوْفِيْ

مَا لِلضَّعَافَى مثل شَمْسِكْ يا أنْوَارْ

ترَفِّقَيْ بِالْحِبّ فِيْهُمْ وْطُوْفِيْ

يا امّ الشِّيُوْخ اللَّى عَلَى الدَّارْ أنْهَارْ

تِعْجَزْ عَنْ وْصُوْف السَّحَايِبْ وِصُوْفِيْ

مِرِّيْ سَحَابَاتْ وغمامات وَاشْجَارْ

مِرِّيْ عَلَى اهْلكْ فِيْ دِيَارِكْ وْلُوْفِيْ

أهْلِكْ يحِبِّوْنِكْ مِثِلْ حِبّ الاَطْيَارْ

توْقَفْ عَلَى كَتْفِيْ وْتحْضِنْ كِفُوْفِيْ

يَا (هِنْد) يا امّ النَّاسْ يا احْسَاسْ الامْطَارْ

تَسْقِيْ بَلا مِنِّهْ وْتَوْعِدْ وْتوْفِيْ

يَا سَاكِنَةْ الارْوَاحْ أطْفَالْ وِكْبَارْ

يَا مِعْطِيِهْ لِلْوَرْد مَعْنَى حِرُوْفِيْ

يَا عِطِرْ عِز ٍ مَا لِمَسْ كَفّ عَطَّارْ

يَا طِهْر مَنْ صَلَّى طماعه وْخَوْفِيْ

دُوْمِيْ عَلَى عَرْش الْمِشَاعِرْ وْالاَبْصَارْ

مِرِّيْ يَا شَمْس (دْبَيّ) مِرِّيْ وْشُوْفِيْ