القرار الصَّعْب

صَعْب القرار انته وانا ما نِتِّفِقْ

لو هو غرام.. إنسى.. وْلاِزمْ نفْتِرِقْ

يا سَيِّدِيْ عِشْنا أنَا وِانْت فْـ.. وَهَمْ

يا صاحبي لا هو غرام وْلا عِشِقْ

لِعْبه لعَبْناها سوا وْدار الزمن

رَغْم الهوى بيبان قلبي تِنْغِلِقْ..!!

عِشْنا زمان الهَمّ ما له أي مكان

كِنَّا وكان الشَّوْق يَدْعِيْنَا بْرِفِقْ

مِنْذ الصباح اللي تقطَّر بالنّدى

لَيْن الغروب اللَّي يِلَوَّنْ بالشِّفَقْ

من صِدْق شوقي لين كذْبَات اللِّقَا

وانا ارْقِب المصباح يالين اخْتِنَقْ

آه ٍ على ما قِدْ مضى من هالعمر

آه ٍ على صَبْري وقلبي يحْتِرِقْ

ما اقوى الْهَجِرْ يا ليت ما كان الهَجِر

باوَاِدعِْ وْمَرْكَب هوانا قِدْ غِرِقْ

صَعْب القرار انْتِهْ وَانَا لو نِتِّفِقْ

لابد في يوم ٍ نغيب وْنِفْتِرِقْ

طباعة Email
تعليقات

تعليقات