كِنَّا صغَارْ يْلَمْلِمْ أحْلامنا بَرْق

يِجْتَاحنا حِزْن الطِّرِيْق وْيفَارِقْ

بَارْوَاحنا لا مِسْتِحِيْلاَتْ لاَ فَرْق

يَعْني سِوَى مَا بَيْنِنَا أيّ فَارِقْ

نِجْمَعْ شِتَاتْ قْلُوْبنا فِيْ مدَى الشَّرْق

وِتْذُوْب باحْضَانْ الْغِرُوْب الْمِشَارِقْ..!!

عَلَى أمَلْ بَاكِرْ وَاثَرْ بَاكِرْ الْحَرْق

مِتَى بنَكْبَرْ؟ هَمّ بِالدَّمْع غَارِقْ

مِتَى بِنلْقَى مِنْ مِوَاوِيْلنا طَرْق

ما جَرّ حِزْنِهْ فِيْ عِيُوْن الْمِفَارِقْ

حَتَّى كِبَرْنا وَاجْمَلْ أيَّامنا زَرْق..!!

مِتْلاحقه وِالْوَقْت خَايِنْ وْسَارِقْ

أجْمَلْ فَرَحْنا يَسْرِقِهْ بَعْضَنا سَرْق

مِنْ خَوْفنا لا يَطْرِقْ الصَّدْر طَارِقْ

إيْلَيْن مَلّ فْرَاقنا نَايِحْ الْوَرْق

صِرْنا شِتَاتْ وْكِلّ ابُوْنَا فِوَارِقْ

يَعْنِيْ كبَارْ يْبَعْثِرْ أوْهَامنا بَرْق

يَعْني كبَار وبَيْنِنَا ألْف فَارِقْ