مَنْ مَرَّرِكْ يَا حِزْن في عَتْمَةْ اللَّيْل
وِاخْتِرْت تِبْقَى بَيْن صَدْرِيْ وْعَيْنِيْ
أرْجُوْك تَتْرِكْنِيْ.. تِنَاصَفْنِيْ الْوَيْل
وِاحْتِرْت أنَا مَا بَيْن بَيْنِيْ وْبَيْنِيْ
كِلّ الكلام الْعَذْب كِذْبه وْتَمْثِيْل
وِالْحِبّ يِشْبَهْ حِلْم عَيَّا يجِيْنِيْ
أشْطِبْ تِفَاصِيْلِيْ وْتهْذِيْ الْمِوَاوِيْل
والشِّعْر ينْزِفْ لَيْن يَصْفِرْ جِبِيْنِيْ..!!
مَانِيْ عَلَى بَعْضِيْ وْلاَ عَادْ بِيْ حَيْل
مَا بَاقِيْ إلاَّ يِنْكِسِرْ بِيْ حنِيْنِي
يا سِكِّتِيْ الْعَرْجَا كِفَايَاكْ تَعْلِيْل
كَمْ طِحْت وِانْتِيْ مَا سِنَدْتي يِدَيْنِيْ
فِيْ صَوْتِيْ الأخْرَسْ لمِسْمَعْك تَحْلِيْل
يَبْغِيْ يفَسِّرْ كَيْف ضاعَتْ سِنِيْنِيْ
أوْ كيف مَرّ العِمْر في زَحْمَةْ الْقِيْل
وِاخْتَارْ وَجْه الْيَاسْ يسْكِنْ فِـ .. طِيْنِيْ
مَلَّيْت أشِيْل الأمْس وِالْبَاكِرْ يْمِيْل..!!
وَأسْأَلْ وَانَا مَا ادْرِيْ إلَى الآن وَيْنِيْ..؟!