نِدَاءْ الوطَنْ

لَبَّيْك وِابْشِرْ يَا وِطَنْ

نِحْنَا سِيُوْفِكْ فِيْ الْمِحَنْ

لِكْ حَقّ تِفْخَرْ واطْمَئِنْ

مَا يِبْلَغْ الطَّامِعْ ثَرَاكْ

نِحْنَا جِنُوْدِكْ لِلأبَدْ

نِبْقَى عَلَى وَافِيْ العهد

مْن الْمَهَدْ إلَى اللَّحَدْ

أرْوَاحِنَا تِرْخَصْ فِدَاكْ

الله خَلَقْنَا لِلسَّلاَم

شَفّ الْخِوِيْ دِرْع وْحِزَامْ

نِحْنَا إذَا اشْتَدّ الْخِصَام

لِلْمِعْتِدِيْ مَوْت وْهَلاَكْْ

تَارِيْخِنَا مَجْد وْثِبَاتْ

وِيْلُوْح فَوْق النَّايِفَاتْ

بِالْمَاضِيَاتْ الْمِرْهَفَات

أجْدَادِنَا صَانَوْا حِمَاكْ

إنْتِهْ لَنَا مَوْت وْحيَاه

يَا رُوْح (زَايِدْ) يَا نِدَاهْ

يَا نَشْوَةْ الْعِزّ وْ سِمَاهْ

لاَ عَاشْ مَنْ خَيَّبْ نِدَاكْ