تبين فِيْ الأفْرَاحْ بِيْض النّوايا
كَمْ تَكْشِفْ الأفْرَاحْ صَادِقْ وْ كَذَّابْ
نَفْس الْبَنَادَمْ كَمْ لَهَا مِنْ زوَايَا
قليلها لِلصِّبْح وِاللَّيْل أسْرَابْ
يَا صَاحِبِيْ مَا كِنْت أظِنِّكْ مَعَايَا
إلاَّ الصّباح وْثَرْك لَيْلَيْن وِغْيَابْ..!!
الله يجازي خَيْر هذي الْمَرَايَا
اللَّى قِرَيْت بْهَا عَنَاوِيْن الاَصْحَابْ
يَا لَيْتِنِيْ مَا شِفْتَهَا فِيْ سِمَايَا
عَذْبَاتْ غَيْم وْبَاطِنْ الْغَيْم تِعْذَابْ..!!
يَا نَفْس لا تشْقين خَلْف الْبَرَايَا
وْيَا قَلْب لاَ تِتْعَبْ وْلاَ يَوْم تِرْتَابْ
إثْبِتْ عَلَى عَهْدِكْ وْ دَعْهَا وَرَايَا
هَاكْ الوجوه اللَّى تِوَارَتْ وَرَا حْجَابْ
هذي الْحَيَاةْ كْتَابْ عِلْم وْحكَايَا
وقليل مَنْ يِقْرَا وْلَوْ بِيْدِهْ كْتَابْ..!!
مَا كِلّ مَنْ غَنَّاكْ صَافِيْ النّوَايَا
وْمَا كِلّ مَنْ بَكَّاكْ يَخْفِيْ لِكْ أنْيَابْ