سَيّدي.. صاحب السمو.. الطِّيْب جَدّ امجاده
السمين مْن القوافي نَجْتِهِدْ وِنْجوده
من يجود بْفخر حِسِّك بالوفا نعتاده
والثنايا في سمّوك كِلَّها مَحْمُوْدِهْ
سَيّدي والمَدْح باسمك شَرْع ما هو عاده
قافي المدرك صلابه لك تثنّى عُوْده
ما ارتعبت مْن القوافي وِالشِّعِرْ وِمْداده
والمداد بْعون رَبّي لك نجوب حْدوده
مرسلاتٍ.. محضراتٍ.. طيّبات انشاده
كل بيت مْن القوافي لك يصيح بْزوده
مبعداتٍ.. مدنياتٍ.. كِلّها منقاده
سارجاتٍ.. بارجاتٍ.. مِدْوِيَاتْ رْعوده
سَيّدي يا تاج راسي يا عقيد السَّاده
سَيّدي بِحْماك داري.. والفَخَر موعوده
دانة الدنيا الثمينه من قماش بْلاده
دانة ٍ ما احْلى نسَمْها رَيِّف ٍ في نوده
الخَلَفْ لِلسَّاِلفْ الَّلى ما خَلَفْ مِيْعَاده
جِعْل رَبّي له يبارك في عِظَام جْهوده
فِيْك مَدْحي ما يوَفِّيْ وِالْعَرَبْ شَهَّاده
والأقاصي والأداني.. وِالْبَحَرْ وِسْدوده
الكريم اللى يورِّث فِطْنِتِهْ لاوْلاده
البساله.. والشجاعه قَدّها وِقْدوده
تكفى يا (فَزَّاعْ) تسْمَعْ.. والْعَرَبْ هَجَّاده
سِيْرة اللي به تذَوّد هاجسي وِيْذوده
بُوْك يا (فَزَّاعْ) فارس.. ما يبات جْواده
في هيَاج الوَقْت يَبْشِرْ.. كِلّنا باروده
بُوْك يا (فَزَّاعْ) ذِيْب ٍ ما يهَمْل مْراده
من وَطِرْ عَمّه وخاله والكرام جْدوده
بُوْك يا (فَزَّاعْ) رامي ماهِر ٍ إعْداده
بَخْت شَعْب (دْبَيّ) كِلّه والزعيم يْقوده
بُوْك يا (فَزَّاعْ) دارك.. ما تحَمْل ابعاده
السليل اللي تدنّى له كَرَمْ عنْقوده
بُوْك يا (فَزَّاعْ) زود مْن الغلا وِزْياده
والمعاني يا أميري بالْغَلا مَعْقوده
حِسّي المرْهَف تبادى من ذرى سجّاده
وانت يُوْد الباري اللي بك كريمٍ يوده
من بواكير القوافي وِالشِّعِرْ والهاده
نَبْض حِس ٍ يشهد الله هايفات فْنوده
أنْت يا (مْحَمَّدْ) حقيقه.. أنْت فوق العاده
لو نضَبْت القاف كِلّه.. ما شفَيْت كْبوده