اللؤلؤ المنثور

فِلِّي الجديله وانْثِرِيْ حَوْلَهَا الْلِّوْل

لا كان حِزْنِكْ ساتِرِكْ دُوْن فَرْحِكْ

إن ما سِتَرْك الكِحْل عن دمعة الحَوْل

زَكِّي عَسَى يِنْقَصْ وَرَا الحَوْل تَرْحِك

زَكِّيْ بحِسْنِكْ عَلِّهْ يْزِيْد ويْطول

وْلا بَارَكْ الله بِالّذي زَادْ جَرْحِكْ

عَيْني سِتِرْك وْنَاظِرِكْ ذَايِقْ الْهَوْل..!

هذا النَّخَلْ ما جاد من جود بَرْحِكْ

الْجَلْد مافاد الرِّدي راعي الكول

وِشْ فَادْ شَرْحِكْ والهوَا شال شَرْحِكْ

تصَدِّقي فِيْك انْثِبَرْ خَشم (أبو الهول)

يوم انبنى فوق السِّمَا ساس صَرْحِكْ

وِتْصَدِّقيْ بــِ(الْغُوْل)؟ إنْتِيْ هُوْ (الْغُوْل)

اللَّى تهَابْ النَّاسْ تَرْحِك ومَرْحِك

سِمْعي كلامي وانْثِرِيْ الشَّعر وِاللِّوْل

لا زاد بَيْن النَّاسْ جَمْعِكْ وْطَرْحِكْ