يَا عَلَمْ دَوْلة الامَلْ وِالإتِّحَادْ

جِيْت أعَبِّرْ عَنْك بَالْحَانْ وْ نِشِيْد

جِيْت أَبَيِّنْ لِكْ غَلا لِكْ فِيْ الفؤاد

وِالْوَلا لِقْيَادَةْ الدَّوْله حديد

يِشْهَدْ التَّارِيْخ وَاسْيَادْ الْبِلاد

إنَّنَا عَلَى العهود وْ مَا نِحِيْد

وِاسْمَعْ الْعِلْم الْمِوَثَّقْ وِالْوِكَادْ

حِنْ لَــ (بُوْ سِلْطان) كَيْف امَّا يِرِيْد

حِنْ جِنُوْدِهْ والذِّخِيْره وِالْعِتَادْ

مَنْ يموت بْطَاعِتِهْ يِحْسَبْ شِهِيْد

مَرّ وَاحِدْ وَارْبِعِيْن مْن الحصاد

وْكِلّ عام ٍ نِزْرعه نَحْصِدْ جديد

ما يضَيِّعْ جِهْدكم رَبّ الْعِبَادْ

وْعَانِكْ الْمَوْلى بَــ (ابو رَاشِدْ) عِضِيْد

شَيْخنا اللَّى لِلْمِهَمَّاتْ الشِّدَادْ

لِهْ عَلَيْهَا قُوّه وْرَاي ٍ سِدِيْد

في السياسه وِالْبِنَا وِالإقْتِصَادْ

عِنْد (أبُوْ رَاشِدْ) مِنْ الْخِبْره رِصِيْد

دَامْ عِزّ شْيُوْخنا وِالإتِّحَادْ

مِنْ مِزِيْدٍ فِيْ مِزِيْدٍ فِيْ مِزِيْد