لَوَّحَتْ أعْلامنا فِيْ الْعَالِيَاتْ
و(الإِمَارَاتْ) اعْتِلَتْ عِزّ وْعَمَارْ
لِلْعَلَمْ أطْيَافْ ألْوَانْ الْحَيَاةْ
والمحَبّه دار في هذي الدِّيَارْ
أبْيَضْ أبْيَضْ مِنْ قلوب ٍ نَابضَاتْ
وَاحْمَرْ بْلَوْن الدِّمَا وِالْجِلِّنَارْ
وَاسْوَدْ أسْوَدْ مِنْ عِيُوْن ٍ ما تبَاتْ
وِالدِّيَارْ أخْطَارْ وِالْعَاشِقْ يِغَارْ
وَاخْضَرْ أخْضَرْ مِنْ مروج ٍ ضَاحِكَاتْ
والأماني خِضِرْ وِالْعَالَمْ نَهَارْ
يَا دِيَار ٍ أمْسَهَا والذِّكْرِيَاتْ
صاغها (زَايِدْ) وْخَلاَّهَا مَنَارْ
يا دِيَار ٍ يَوْمَها عِزّ وْ ثبات
صاغ حَاضِرْهَا (خِلِيْفِهْ) مِنْ فِخَارْ
يَا دِيَار ٍ أصْبَحَتْ فِيْ النَّايفَاتْ
لاِزْدِهَارْ الْعَالَمْ الرَّاقِيْ شِعَارْ
نَاظَرَتْهَا عْيُوْن الارْض الْمُعْجَبَاتْ
وِاكْتِبَتْها بِالذَّهَبْ عِزّ وْ عَمَارْ