كِحْل الْعِيُوْن

البَحّهْ فْـ صوتي تلَخْبِطْ كَيَانِهْ..!

ومن نظرة عْيوني يقَبِّلْ أيَادِيْه..!

وِشْ عَادْ لا من جِيْت كِلِّيْ عَشَانِهْ

لَيْلِيْ عَلَى مْتُوْني يْتِرَاقَصْ وَاهَدِّيْه

رَجَّالْ بَسْ غَيْر الرّجاجِيْل.. وَانه

إن قال: يا (عِنْدو) أجَاوِبْه: لَبَّيْه

لَبَّيْه يَا اللَّي هَزّني عِنْفوانه

لَبَّيْه يَا مَنْ قَايِدْ الرِّيْم يَغْلِيْه

لَبَّيْه يا مَزْيُوْن ثِقْل وْتِكَانه

الله مِنْ وْصُوْف الْمِطَالِيْق مِعْطِيْه

مَا تَلْفِتِهْ (هَيْفَا) وْ(شَوْق) وْ(جُمَانِهْ)

أنا الوحيده في حياته واكَفِّيْه

من قال بَانّ الحب رَوَّحْ زمانه

هذا حبيبي كَحِّلُوْا عْيُوْنكم فِيْه