جَمَّرْت شوق وهاجس القاف ما طاح
مَلّ الوداع وغايته بس بَيْتَيْن
غَرْبَلْ غيابك عاطفه واحْرَقْ أرواح
شَبّ الرموش مْن اللظى داخِلْ الْعَيْن
أطِيْر بك دِنْيَا وانا ما امْلِكْ جْنَاح!
الْحِبّ كَوَّنْ لي مدار وْ جِنَاحَيْن
عَلَّمْني أغْفِرْ لو خطا الحب ذَبَّاحْ
وازْرَعْ زهور مْن الغَلا لِلْمِحِبِّيْن
عَلَّمْني أحيا خافقي حَيْل مرتاح
يَكْتِبْ حكايه تْختِصِرْ حِبّ قَلْبَيْن
أغْفَى وانا احْلَمْ يبتدي نَوّ الافراح
تمْطِرْ هماليل القسا عاطفة لِيْن
تنبت زهور وينْتِشِرْ عطر فَوَّاحْ
يَعْدِلْ مزاج أضْحَى مِنْ فْرَاقكم شَيْن
وَيْنِكْ ظما شَوْفِيْ تناهيد وِجْراح
تاه الطريق بْنَظْرتي ما اذْكِرِهْ وَيْن؟
محجر عيوني غَمَّضْ الجفن وارتاح
ضاقَتْ دروب الذَّاكره بالعناوين
وَيْنِكْ حبيبي كايد الدَّمْع فَضَّاح
والنَّاسْ تهْوَى يِنْخِلِقْ بيننا بَيْن
ْ
جَمَّرْت شَوْق وْهَاجِسْ الشَّوْق ما طاح
مَلّ الوداع وْغَايته مِنْك بَيْتَيْن