(دبي) فَخْر ٍ لِلْعَرَبْ وِ(الإمَارَاتْ)

وِالْفَضل لله ثُم لحاكِمْ الاماره

لى مَا يضَعْ أمام عينه خيارات

إلاَّ عَلَى الأوَّلْ والاوَّل خِيَاره

أحْكَمْ رَجِلْ عِنْد اتِّخَاذْ القرارات

وِمْوَظَّفِيْنِهْ يَفْهمون الإشاره

إذا صِدَرْ تَوْجِيْه لاِحْدَى الوزارات

تلبِّيْ الأقْسَامْ قَبْل الإداره

الدَّارْ حِلْوه لكن (دْبَيّ) بِالذَّاتْ

تربَّعَتْ عَرْش الْحَلا والإثاره

تِجْمَعْ مزيج مْن البِشَرْ والثقافات

وِتْمَازِجْ الْعَصْرِيْ برُوْح الحضاره

مقْصَدْ لطِلاَّبْ السعد والمسَرَّاتْ

وِيْؤمّها طِلاَّبْ عِلْم وْ تِجَاره

ما يجْدِيْ التَّعْبِيْر واحْلَى الْعِبَارَاتْ

لكن أحِبّ آقول فَــ آخر عِبَاره

مَهْمَا الدُّوَلْ تَنْتِجْ عِقُوْل وْ نجاحات

يِبْقَى الْبَلَدْ بِقْيَادته في الصّداره