يَا حَاضِنْ أطْفَاْل (الإمَارَاتْ) مَا عَاشْ
مَنْ لاَ حِضَنْ أطْفالها وِاحْتِوَاهَا
مَنْ لا جَعَلْ رِمْشه لشِيْبانها فْراش
وْمَنْ لا افْتَرَشْ فيْ لَيْل وَجْده مداها
مَنْ لا عَرَفْك وْلا عَرَفْهَا فَلا نَاشْ
مِنْ مَرْقَبْ الْعَلْيَا نِجُوْم ٍ طَرَاهَا
لا مَا عَرَفْ مَيْدَانْ عَزْمِكْ وَ لا حَاشْ
عِلْم ٍ ولا يَدْرِيْ مداك بْهواها
مَنْ هُوْ سَهَرْ عَيْنِهْ وْلَيْلاتها اوْحَاش
حَتَّى يلُوْح اصْبَاحها مِنْ دِجَاها؟
ومَنْ هُوْ لِمَسْ وِجْدَانها وَاتْعَبْ الْجَاش
فِيْ حِبّها واطفا بعَيْنِهْ لِظَاهَا؟
ْ
مَنْ هُوْ شَرَاهَا بْرُوْح ما هُوْب بِبْلاَشْ
وْمَا بَاعها يَوْم الْعَرَبْ فِيْ شِقَاهَا؟
يوم الشِّوَاطِيْ شَمْس وِبْحُوْرها قْمَاشْ
واهْل الرَّخَا مَا هَمَّهَا وِشْ بَلاهَا
إنْت وْعَرَبْهَا يَوْم الاجْنَابْ تِنْحَاشْ
مِنها.. وْعَرَبْهَا رَاحِلِيْن لْعَنَاهَا
يَا حَاضِنْ أطْفَاْل (الإمَارَاتْ) مَنْ عَاشْ
مَا هُوْ بعَاشِقْها.. حَياته بَلاهَا