قِرْص الْكَرَامة

قِرْصِكْ وْ لَوْ يَابِسْ بجَمْر الْكَرَامه

ألَذّ مِنْ صَحْن الذَّهَبْ فِيْه مَا فِيْه

والْكَاسْ مِنْ شَطّ الْمِذَلِّهْ نِدَامه

وِالْكُوْز مِنْ طِيْن الصَّبِرْ عَذْب صَافِيْه

مَا دَامْ لِكْ رَاس ٍ عِزِيْز ٍ وْهَامِهْ

مَا تَسْجِدْ إلاَّ يَوْم فَرْضِكْ تِصَلِّيْه

لاَ تْخَافْ لا تحْزَنْ.. لكِل ٍ مقامه

ضِلْعِكْ وْمَا تَحْته زمانك يدَاوِيْه

لا تْخَافْ لا تَأْسَفْ عَلَى اللَّى سَلاَمِهْ

مِثْل الجفا... لاَ تْبِيْع وَجْهِكْ وْتَشْرِيْه

الله مِنْ طَرْف ٍ تحَدَّرْ غمامه

يشْرَبْ مَرَارْ وْمَا يفَرِّطْ بغَالِيْه

عَايِشْ ولكن لَيْس عَيْش الْفَخَامه

مَيِّتْ ولكن حَيّ ذِكْرِهْ وْطَارِيْه

صَامِتْ وْفِيْ كَفِّهْ تحِزّ الْكَرَامه

حَزّ الْخَنَاجِرْ ضَمَّهَا بَيْن كَفَّيْه