نَاسْ الشِّدِّةْ

لاَ تْقُوْل بِنْ عَمِّيْ وْلا بِنْ خَالِيْ

النَّاسْ فِيْ الشِّدِّهْ تعَرْف أقْصَاهَا

كَمّ وَاحِدٍ مِنْ بَعْض دَمِّكْ خَالِيْ

أصْبَحْ ليسْرَى حَاجِتِكْ يمْنَاهَا

يا الله يَا عَالِمْ جميْع أحْوَالِيْ

عَلَّمْتني الشِّدِّهْ وْمَا مَعْنَاهَا

أظْهَرْت لِيْ السَّافِلْ وْ شِفْت الْعَالِيْ

واهْدَيْتني مِنْ حِكْمِتِكْ أغْلاَهَا

أصْبَحْت أرَدِّدْ بَيْن حَالِيْ وْحَالِيْ

وَاكْتِبْ دِفَاتِرْ حِكْمِتِيْ وَاقْرَاهَا

دِنْيَاً سِقَتْنِيْ مُرَّهَا وِالْحَالِيْ

مَا دَايِمْ إلاَّ وَجْه مَنْ سَوَّاهَا

كَمّ رْفِعَتْ مَوْلَى وْحَطَّتْ وَالِيْ

وكم خْفِضَتْ عَالِيْ وْصَارْ أدْنَاهَا

لا تْقُوْل بِنْ عَمِّيْ وْلاَ بِنْ خَالِيْ

نَاسِكْ مَعْ الشِّدّه تْعَرْف أقْصَاهَا