بِاسْمه عظيم الشَّانِيْ

رَبّ الْعَرْش العظيم

أوْرِدْ غِزْر الْمَعَانِيْ

وَيْن الدِّرْ النظيم

وابْنِيْ بِهَا الْقِيْفَاني

وَاحْذِفْ مِنْهَا الذِّمِيْم

وِبْهَا أبْعَثْ تَهَانِيْ

مِنْ مِعْلاَقْ الصميم

تنْصَى ضِيَا الاوطاني

راعي الْقَدْر الحشيم

يوم اقْبلوا الْفِرْسَاني

وْكِل ٍ خَيْله شميم

حَدٍ أرْخَى العناني

وْحَدّ بكَفّهْ لِزِيْم

واقْبَلْ بها حَمْداني

يَطْوِيْ المدَى والتَّيْم

بِكْ يِرْجَحْ المِيْزَاني

يعْله عِزِّكْ مديم

الكاس بِكْ يِزْدَاني

وِانْته له التكريم

بِكْ يفْتِخِرْ نَشْواني

في حَزَّةْ التَّسْلِيْم

المَجْد لِكْ عِنْواني

وَارِثْ وِرْثٍ قـــــــــديــــم

من خَالِكْ نْهَيَّاني

وْمِنْ (مَكْتوم) الرحيم

وابوك في الاعْيَانِيْ

راعي الرَّاي الحكيم

لى مِنْ نَسِلْ شِجْعَاني

لازِمْ يِطْلَعْ زعيم

هذا نَضِحْ وِجْداني

وْشَي ٍ وَايِدْ ركيم

وْصَلّوا عَلَى الْعَدْنَانِيْوْذِكْروا رَب ٍ كـــــريم