غرام وخزام

شِدِّني يا زَيْن بِاسْلُوْب الْكَلامْ

خَلّ صَوْتِكْ في الفؤاد يْهِزِّني

كِلّ كِلْمه من تعابيرك غَرَامْ

والمعاني من حروفك تِنْبِنِيْ

شِفْت فِيْك الكون بَهْجه وابتسام

ساقني صوبك هواي وْشَلّني

في عيونك سِحْر من ألْفَيْن عَامْ

ضِمّني في سِحْر عَيْنِكْ ضِمّني

في خدودك نَفْح رِيْحَانْ وْخِزَامْ

والنسايم تَحْت رِمْشِكْ تِنْثِنِيْ

شِفْت خطْوَاتِكْ على بِسْط الغمام

أذْهِلَتْني وَيْن دَرْبكْ دِلّني

من جمالك أعْلَنْ القَلْب انْهِزَامْ

رَافِعْ الرَّايَاتْ سَيْفه مِنْحِنِيْ

لَيْتِنِيْ وِيّاك والْعَالَمْ نِيَامْ

نَغْرِسْ وْرود المحبّه وْنَجْتِنِيْ

شِطّ بي لَيْن آخر حْدود الْهِيَامْ

وَيْن ما تبغي حبيبي وَدّني