يوم صار الرَّيْس فِيْه مْجَاكره

والحشود حْضُوْر والْمَوْقِفْ خطير

وَالافْكَارْ مْشَتِّتِهْ وِمْبَعْثره

شوط من اْلاَشْواط مَسْمَايْ وْ كبير

حَطِّمَنْ اْلاَتْيَامْ (ضَوّ) و(مَرْمره)

وقبلهن (إعمار) في تَيْم ٍ قِصِيْر

كِلّ صَعْب الْفَذّ (حَمْدَانْ) اكْسَره

راقي الصّعبات من عاده صغير

لى عَرَفْ (حَمْدَانْ) حَظّهْ مَا اكْبَره

يِغْتِنِيْ لو كان من سابِقْ فقير

هذا (بِنْ مَكْتوم) كِل ٍ يَذْكره

في الشِّدَايِدْ وِالْمِحَنْ وَقْت ٍ عسير

والتَّهاني كل يوم مْكَرّره

عَدّ مَا النّسْمَاتْ في وَقْت الْعِصَيْر

ذا سَلامي لْــ (بوراشد) وِاخْبره

يَعْل جَوّهْ صافِي ٍ مِثْل الغدير