أطياف

الهوى له سَمْت وَاعْرافِيْ

هوب كِل ٍ يَعْرِف فْنونه

والّذي ما يِبْخَصْ الْوَافِيْ

رَدَّتْ الأشْوَاقْ مِنْ دُوْنِهْ

لَيْش كَدَّرْتُوْا لي الصَّافي

موردي وانْتُوْ تِرُوْدُوْنِهْ!

مْعَنايِهْ واضِحْ أوْصَافِيْ

وانْتُوْ تْغَيْرُوْن مَضْمُوْنِهْ!

كَمْ لي من جِمْلَةْ أولافي

مِكْتِمِلْ شَكْل ٍ عَلَى لَوْنِهْ

لو باغَرِّبْ تِيْنِيْ أطْيَافِيْ

دَرْب وِالْعِشَّاْق يَتْلُوْنِهْ

عاذلي وان رَدّ لي لافي

ما ارْتِضَتْ نَفْسي لِهْ مْهُوْنِهْ

ياخِذْ جْفوني له لْحَافِيْ

عَيْن بالخِلاَّن مَسْكونه