هذا (الإماراتي).. وهذي علومه

أبْيَضْ عَلَى أبْيَضْ وْ عَالي مقَامه

بَدَّعْ.. ولا أرْوَعْ.. وْرَوَّضْ خصومه

واسْتَاهَلْ الناموس بَاعْلَى عَلامه

نِهْواه وِنْحِبِّهْ وْنِعْشَقْ نجومه

ولا به على من حَبّ (الابْيَض) مَلامه

فَرَّحْ جماهيره وْحَقَّقْ حلومه

وَاضْفَى على كِلّ الوجوه ابتسامه

بِاسْلوبه الراقي وْقُوَّةْ عزومه

يِرْقَى.. وْيَفْرِضْ هَيْبته وِاحْترامه

حَتَّى نِقَشْ فوق الكواكِبْ رسومه

عَهْد الوفا.. للرَّقِمْ وَاحِدْ مَرامه

مَهْمَا صِعِبْ يِصْعَبْ.. مَرَاجِلْ ترومه

وانْ كَانْ فِيْ عَيْن الْمُحَالْ إعْتِصَامه

المستَحِيْل الصَّعْب يعْرف خصومه

وِعْيَالْ (زَايِدْ) في يديهم زمامه