ثورة مصر

وِشْ خَانَةْ العمْر لا من مات فيك الضمير

ما عاد يَفْرِقْ بشَيّ إنْ طال والاَّ قِصَرْ

تغَانَمْ الوَقْت لا تحْسِبْه حَظِّكْ وفير

يا كَمّ قَلْب انفطَرْ من هالزمَنْ واعْتِصَرْ

تبطي ظروف الليالي بين شَرٍ وخير

لغَيْر من هو خِسَرْ فِيْهَا ومن هو انْتِصَرْ

والرَّجْل يسْعَى ولو دَرْب العزايم قصير

وان طال يَبْشِرْ بسِعْده دَامْ لَحّ وْأصَرّ

والرِّزْق قِسْمه ورَبِّكْ في عباده خبير

هذا سكَنْ عَ التراب وْذاك يَسْكِنْ قَصِرْ

لو كل مِنَّا ينام وْتَحْت راسه حرير

ما كَدّ فِيْنَا البنادم مِ الفَجِرْ لِلْعَصِرْ!

تبقى العزايم غَنَايم والمصير المصير

والْخَيْر وَاسِعْ وما له في البسيطه حَصِرْ

وإنْ ضَجّ صَدْرِكْ بعيبك خَلّ سِرّك في بير

وِشْ له اتِّمَلَّقْ وْعِنْد الناس سَمْع وْبِصَرْ؟

أغْنَى الطموحات عِزّة نَفْس عِنْد الفقير

ما سام وَجْهه لحَيّ الله، وبا المخْتَصَرْ..

ما يفْلِسْ الرَّجْل لا من تابع الوَقْت غَيْر

يا فِتْنَةْ المال وإلاّ فِتْنَةْ أمّ الخَصِرْ

ما هو كفو وان بغيت الصِّدْق ما فِيْه خَيْر

ما دام فِكْره على ذِيْ الحاجتين انْحِصَرْ

والله يَمْهِلْ وَلا يهْمِلْ وهو في الأخِيْر

ما كَنِّهْ إلاَّ (مبارك) بَعْد ثَوْرَةْ (مَصِرْ)!!