(عَزَّاْم) يَا احْمَدْ يا ابْن شَيْخِيْ (محَمَّدْ)

يا شَيْخِيْ الَّلى نَاشِد ٍ عن جديدي

لِكْ الجديد مْن القصيد المفَنَّدْ

اللى لِكْ آخِطِّهْ بدَمّ الوريدي

كِلْمَا طرَوْا (عَزَّامْ) قِلْنَا تِفَرِّدْ

حِر ٍ شَهَرْ عَزْمه وطَلْعه بعيدي

شَيْخ ٍ مِنْ عْيُوْب البَرَايَا تجَرَّدْ

إلاَّ الكَرَمْ والمَجْد مَجْدٍ تليدي

شَيْخ ٍ عَلَى عَرْش التوَاضِعْ تسَيَّدْ

طِيْب ٍ عَلَى طِيْب ٍ وْطبْعٍ فريدي

(عَزَّامْ) يا السَّيْف الحسام المهَنَّدْ

لى صَكَّتْ الْحَلْقه يفِلّ الحديدي

يَا مْرَوِّضْ المَعْنَى قوافيك شِرَّدْ

أشْكال والوان ٍ وعقْدٍ نضيدي

تمْخر عباب الشِّعر مِنْك نْتِزَوَّدْ

جديد سَبْكِكْ والقوافي تشيدي

أنْت السمو اللى بِكْ الشِّعر غَرَّدْ

وانْت السمو اللى سمَا به قصيدي

فَخْري بأنِّكْ عن جديدي تنَشَّدْ

يا فَخْر شِعْري من قديم وْجديدي