ارتباك وْخوف واحباط وْقَلَقْ

هَمّ مَعْ حِيْرِهْ مَعَ دَمْعات ياس

آتفاءَل كِلّما صِبْحِيْ شَرَقْ

بَسّ أشُوْف الخوف يَقْتِلْ كل باس

قِلْت أعوذ بْخالقي رَبّ الفَلَقْ

من وساويسٍ بصَدْري ما تِقَاسْ

من متى وآنا أصارِعْ هالأرَقْ!!

من متى والقلب أرْضه في يباس !!

كِل شَيْ عندي تساوى بْلا فَرِقْ

ما أفَرِّقْ بين فِضّه أو نحاس

المسافه بيني وْبين الغَرَقْ..

واضحه ما تِحْتِمِلْ جِهْد وْ مقاس

ضاع عِمْرٍ في شبابه يحْتِرِقْ

ما قضيته غَيْر في هَمّ وْمآس

الأمَلْ ما يوم في عيني بَرَقْ

أسْتِمِدّ الباس من ناسٍ وناس

مِثْل طِفْلٍ تايه بْعتمَة نفَقْ

ما وَحَى له يَجْني انتاج وْ غَراس

كل يوم أسْهَرْ مِن حْدود الغسَقْ

والهموم بْوِسْط مَعْلوقي حبَاس

شُوْف كَيْف الهَمّ لابْوابي طَرَقْ

ما بقى لي قَلْب به ذَرَّةْ حَمَاس!!