عِدّ الغَيْم

يسْأَلْ عَنْ أَيّةْ جِدِيِدٍ خَطِّتِهْ يَدّي

وَاقُوْلْ كِلّ الْجِدِيْد ايْدَيْك خَطَّنّهْ

كِتَبْتِنِيْ لَيْن قِلْت: الله مِنْ قَدِّي

جِدْب الصّحَارِيِ غِدَتْ فِىْ نَاظِريْ جَنّهْ

ْ

وْطَعَنْتِنِيْ طَعْنَةْ اللّى وَاقِفٍ ضِدّي

أَكْبَرْ عدو مَا يَسَوِّيِْ اللّى مَسَوِّنّهْ

مَا جَاكْ مِنِّي خطِيّهْ يَا بَعَدْ جَدِّيْ

لاَ تِكْثِرْ اللَّوْم وِالطّعْنَاتْ وَالْمِنّهْ

كِنْت أزْرَعْ الْوَرْد من عِنْدِكْ إلى عِنْدي!!

عَشَانْ أشوف الورود إشْ لَوْن مِنْجَنِّهْ

كِنْت أشْرَبْ الغيم لاجْل أسْقِيْك من عِدّي

لَيْن أذْبَلْ الْوَقْت غَيْمي واخْتَلَفْ ظَنِّهْ

ما حَدّك الله تبيِّح يا الْغَلا سَدِّيْ

وتكْشِفْ خفايا خفوقٍ ما دَرَوْا عَنّه

صَدَّيْت عَنِّيْ وقَلْبي عَنْك ما صَدِّي

لا الشوق حَنّه وَلا قلبك بَعَدْ حَنّه

مَعْ انْ ما وِدّه إلاَّ انْتِهْ.. ولا وِدِّيْ

إلاَّ بلاماك في الدنيا وفي الجَنّه

هذا جديدي وبَعْض الشِّعر ما وِدِّيْ

يِنْشَرْ.. ولا اباك تقْرَا كِلْمِةٍ مِنّه!!